Top Best Urdu Gazal Whatsapp and Facebook Status and Messages – Part 18

Best Facebook status 2019

Feel free to use these Status for Facebook, WhatsApp & Other Social Sites

Is Ada Se Wo Wafaa Karte Hain
Koi Jaane Ki Wafa Karte Hain

Humko Chodoge To Pachtaoge
Hansne Walon Se Hansa Karte Hain

Ye Ba Nahi Koi Mujhko
Dil Jo Aa Jaye To Kya Karte Hain

Husn Ka Haq Nahi Rehta Baki
Har Ada Mein Wo Ada Karte Hain

Kis Kadar Hain Teri Aankhein Bebak
In Se Fitne Bhi Hya Karte Hain

Is Liye Dil Ko Laga Rakha Hai
Is Mein Dil Ko Laga Rakha Hai

Daagh Tu Dekh To Kya Hota Hai
Jabr Par Jabr Kiya Karte Hain!


Chal Diye Uth Ke Su-e-Shehar-e-Wafa Ku-e-Habib
Puch Lena Tha Kisi Khak Basar Se Pehle

Ishq Pehle Bhi Kiya Hijr Ka Gham Bhi Dekha
Itne Tadpe Hain Na Ghabraye Na Tarse Pehle

Jee Bahalta Hi Nahin Ab Koi Saath Koi Pal
Raat Dhalti Hi Nahin Char Pahar Se Pehle

Ham Kisi Dar Pe Na Thithak Na Kahin Dastak Di
Saikadon Dar The Meri Jaan Tere Dar Se Pehle

Chand Se Ankh Mili Jee Ka Ujala Jaga
Hum Ko So Bar Hui Subah Sahar Se Pehle!


Unhe Sawal Hi Lagata Hai Mera Rona Bhi,
Ajab Saza Hai Jahaan Mein Gareeb Hona Bhi

Ye Raat Bhi Hai Odhana-Bichona Bhi,
Is Ek Raat Mein Hai Jaagna Bhi Sona Bhi

Ajeeb Shehar Hai Ki Ghar Bhi Raaston Kee Tarah,
Kaisa Naseeb Hai Raaton Ko Chup Ke Rona Bhi

Khule Mein Soyenge Motiya Ke Phoolon Se,
Sajaa Lo Zulf Basa Lo Zara Bichona Bhi

Aziz Kaisi Yeh Saudagaron Kee Basti Hai,
Garaan Hai Dil Se Yahan Kaath Ka Khilona Bhi!


Hijr Kee Shab Mein Qaid Kare Yaa Subh-e-Visal Mein Rakhe,
Achha Maula Teri Marzi Tu Jis Haal Mein Rakhe

Khel Ye Kaisaa Khel Rahi Hai Dil Se Teri Mohabbat,
Ik Pal Kee Sarshari De Aur Dino Malaal Mein Rakhe

Maine Sari Khushbuein Aanchal Se Baandh Ke Rakhi,
Shayad In Ka Jikr Tu Apne Kisi Sawal Mein Rakhe

Kis Se Tere Aane Kee Sargoshi Ko Sunte Hi,
Maine Kitne Phool Chune Aur Apni Shaal Mein Rakhe

Mushkil Ban Kar Toot Padi Hai Dil Par Ye Tanhayi,
Ab Jaane Ye Kab Tak Us Ko Apne Jaal Mein Rakhe


Gul Tera Rang Churaa Laye Hain Gulzaron Mein,
Jal Raha Hun Bhari Barsaat Kee Baucharon Mein

Mujhse Katra Ke Nikal Ja, Magar Ai Jaan-e-Haya,
Dil Kee Lau Dekh Raha Hun Tere Rukhsaron Mein
v Husn-e-Begana-e-Ehsaas-Jamaal Achhaa Hai,
Gunche Khilate Hain To Bik Jaate Hain Bazaaron Mein

Jikr Karte Hain Tera Mujhse Ba-Unvaan-e-Jafaa,
Charagar Phool Piro Laye Hain Talwaron Mein

Zakham Chhup Sakte Hain Lekin Mujhe Fan Hi Saugandh,
Gham Kee Daulat Bhi Hai Shaamil Mere Shahkaron Mein

Mujhko Nafarat Se Nahi Pyaar Se Masloob Karo,
Main To Shaamil Hun Mohabbat Ke Gunahwaron Mein!


Ye Keh Gaye Hain Musafir Lute Gharon Wale,
Dare Hawa Se Parinde Khule Paron Wale

Ye Mere Dil Kee Hawas Dasht-e-Be-Karan Jaisi,
Vo Teri Aankh Ke Tevar Samandaron Wale

Hawa Ke Haath Mein Kaase Hain Zard Patton Ke,
Kahan Gaye Vo Sakhi Sabz Chadaron Wale

Kahan Milenge Vo Agle Dino Ke Shehzade,
Pahan Ke Tan Pe Libaade Gada-Garon Wale

Pahadiyon Mein Ghire Ye Bujhe Bujhe Raaste,
Kabhi Idhar Se Guzarte The Lashkaron Wale

Unhi Pe Ho Kabhi Nazil Azaab Aag Ajal,
Vahi Nagar Kabhi Theharen Pyambaron Wale

Tere Supurd Karun Aaine Muqaddar Ke,
Idhar To Aa Mere Khush-Rang Pattharon Wale

Kisi Ko Dekh Ke Chup Chup Se Kyon Hue Mohsin,
Kahan Gaye Vo Iraade Sukhan-Varon Wale!


Din Muradon Ke Aish Kee Raatein,
Haye Kya Ho Gayi Wo Barsaatein

Raat Ko Baag Mein Mulaqaatein,
Yaad Hain Jaise Khwaab Kee Baatein

Hasratein Sard Aahein Garm Aansu,
Layi Hai Barshagaal Saugatein

Khwar Hain Yun Mere Shabaab Ke Din,
Jaise Jaadon Kee Chandni Raatein

Dil Ye Kehta Hai Kunj-e-Raahat Hun,
Dekhna Gham-Naseeb Kee Baatein
v Jin Ke Dam Se Shabaab Tha Zinda,
Hai Akhtar Wo Ishq Kee Ghaatein!


Uljhe Na Zulf Se Jo Pareshaniyon Mein Hum,
Karte Hain Is Pe Naaz Ada-Daniyon Mein Hum

Saragarm-Raqs-Tazaa Hain Kurbaniyon Mein Hum,
Shokhi Se Kiski Aaye Hain Jolaniyon Mein Hum

Sabit Hai Jurme-Shikwa Na Zahir Gunahe-Rashq,
Hairan Hain Aap Apni Pareshaniyon Mein Hum

Maare Khushi Ke Mar Gaye Subahe-Shabe-Firaaq,
Kitne Subuk Hue Hain Garaan-Jaaniyon Mein Hum

Aata Hai Khwaab Mein Bhi Teri Zulf Ka Khyaal,
Betaur Ghir Gaye Hain Pareshaniyon Mein Hum

Dekha Idhar Ko Tune Ki Bas Dam Nikal Geya,
Utare Nazar Se Apni Nigahabaniyon Mein Hum!


Khayaal-e-Husn Mein Yun Zindagi Tamaam Hui,
Haseen Subah Hui Aur Haseen Shaam Hui

Baqaar-e-Ishq Bas Ab Sar Jhuka De Kadamon Par,
Udhar Se Tere Liye Sabaqat-e-Salaam Hui

Har Ek Apni Jagah Khush Har Ek Yahi Samajha,
Nigah-e-Khaas B-Tarz-e-Nigaah-e-Aam Hui

Nazar Mili To Tabassum Raha Khamoshi Par,
Nazar Phiri To Zara Himmat-e-Kalaam Hui

Bas Ab To Tum Ne Mohabbat Ka Le Liya Badla,
Maaf Karna Jo Takleef-e-Inteqam Hui

Hai Dekhne Hi Ka Waqfa Jise Samajhte Hain,
Raza Wo Dhoop Chadhi Din Dhala Wo Shaam Hui!


Ishq Kee Duniya Mein Ek Hungama Barpaa Kar Diya
Ai Khayal-e-Dost Ye Kya Ho Gaya Kya Kar Diya

Zarre Zarre Ne Mera Afsana Sun Kar Daad Dee
Main Ne Vahshat Mein Jahaan Ko Tera Shaida Kar Diya

Toor Par Raah-e-Wafa Mein Bo Diye Kaante Kaleem
Ishq Kee Vusaat Ko Masdood-e-Taqazaa Kar Diya

Bistar-e-Mashriq Se Sooraj Ne Uthayaa Apana Sar
Kis Ne Ye Mehfil Mein Zikr-e-Husn-e-Yaktaa Kar Diya

Chashm-e-Nargis Jaa-e-Shabnam Khoon Royegi Nadeem
Maine Jis Din Gulasitan Ka Raaz Ifsaa Kar Diya

Mudda-e-Dil Kahun Ehasaan Kis Umeed Par
Wo Jo Chahenge Karenge Aur Jo Chaha Kar Diya!


Leave a Reply

Your email address will not be published. Required fields are marked *