Top Best Urdu Gazal Whatsapp and Facebook Status and Messages – Part 16

Best Facebook status 2019

Feel free to use these Status for Facebook, WhatsApp & Other Social Sites

Hum Ne Sab Sher Mein Sanware The
Hum Se Jitne Sukhan Tumhare The

Rang-o-Khusbhu Ke Husn-o-Khoobi Ke
Tum Se The Jitne Istiare The

Tere Kaul-o-Karar Se Pehle
Apne Kuch Aur Bhi Sahare The

Jab Wo Laal-o-Gohar Hisab Kiye
Jo Tere Gham Ne Dil Pe Vaare The

Mere Daaman Mein Aa Gire Saare
Jitne Tasht-E-Falak Mein Taare The

Umar-E-Jaaved Kee Dua Karte
Faiz Itne Wo Kab Hamare The!


Kuch Fainsla To Ho Ki Kidhar Jana Chahiye
Pani Ko Ab To Sar Se Guzar Jana Chahiye

Har Baar Aidiyon Pe Gira Hai Mera Lahoo
Maqtal Mein Ab B-Tarz-E-Digar Jana Chahiye

Kya Chal Sakenge Jin Ka Faqat Masla Yeh Hai
Jaane Se Pehle Rakht-E-Safar Jana Chahiye

Sara Jvar-Bhata Mere Dil Mein Hai Magar
Ilzam Ye Bhi Chaand Ke Sar Jana Chahiye

Jab Bhi Gaye Azaab-E-Dar-O-Baam Tha Wahi
Aakhir Ko Kitni Der Se Ghar Jana Chahiye

Tohmat Laga Ke Maa Pe Jo Dushman Se Daad Le
Aise Sukhanfarosh Ko Mar Jana Chaahiye!


Taaron Se Mera Jaam Bharo Main Nashe Mein Hun
Ai Sakinaan-e-Khuld Suno Main Nashe Mein Hun

Kuch Phool Khil Rahe Hain Sar-e-Shakh-e-May-Kada
Tum Hi Zara Ye Phool Chuno Main Nashe Mein Hun

Thehro Abhi To Subah Ka Maara Hai Zau-Phishan
Dekho Mujhe Fareb Na Do Main Nashe Mein Hun

Nasha To Maut Hai Gham-e-Hasti Kee Dhoop Mein
Bikhara Ke Zulf Saath Chalo Main Nashe Mein Hun

Mela Yun Hi Rahe Ye Sar-e-Rahguzar-e-Zeest
Ab Jaam Saamne Hi Rakho Main Nashe Mein Hun

Payal Chanak Rahi Hai Nigaar-e-Khayal Kee
Kuch Ehatimaam-e-Raqs Karo Main Nashe Mein Hun

Main Dagmaga Raha Hun Bayabaan-e-Hosh Mein
Mere Abhi Kareeb Raho Main Nashe Mein Hun

Hai Sirf Ek Tabasum-e-Rangeen Bahut Mujhe
Saghar B-Dosh Lala-Rukhon Main Nashe Mein Hun!


Koi Kaanta Chubha Nahi Hota
Dil Agar Phool Sa Nahi Hota

Kuch To Majabooriyan Rahi Hongi
Yun Koi Bewafa Nahi Hota

Guftagu Un Se Roz Hoti Hai
Muddaton Saamana Nahi Hota

Jee Bahut Chahta Sach Bole
Kya Karein Haunsala Nahi Hota

Raat Ka Intezar Kaun Kare
Aaj Kal Din Mein Kya Nahi Hota!


Baat Karni Mujhe Mushkil Kabhi Aisi To Na Thi
Jaisi Ab Hai Teri Mehfil Kabhi Aisi To Na Thi

Le Geya Cheen Ke Kaun Aaj Tera Sabr-o-Qaraar
Beqarari Tujhe Ai Dil Kabhi Aisi To Na Thi

Chashm-e-Qatil Meri Dushman Thi Hamesha Lekin
Jaise Ab Ho Gayi Qatil Kabhi Aisi To Na Thi

Un Kee Aankhon Ne Khudaa Jaane Kiya Kya Jadoo
Ki Tabiyat Meri Maail Kabhi Aisi To Na Thi

Aks-e-Rukh-e-Yaar Ne Kis Se Hai Tujhe Chamakaya
Taab Tujh Mein Maah-e-Kaamil Kabhi Aisi To Na Thi

Kya Sabab Tu Jo Bigadta Hai Zafar Se Har Baar
Khoo Teri Hoor-e-Shamaail Kabhi Aisi To Na Thi!


Dil Ne Ek Ek Dukh Saha Tanha
Anjuman Anjuman Raha Tanha

Dhalte Saayon Mein Tere Kooche Se
Koi Guzra Hai Badha Tanha

Teri Aahat Kadam Kadam Aur Main
Is Maiyat Mein Bhi Raha Tanha

Kehana Yaadon Ke Barf-Zaaron Se
Ek Aansu Baha Baha Tanha

Doobte Sahilon Ke Mod Pe Dil
Ik Khandar Sa Raha Saha Tanha

Goonjta Reh Geya Khalaon Mein
Waqt Ka Ek Kehkaha Tanha!


Aur Bhi Ho Gaye Begana Wo Gaflat Karke
Aazamaya Jo Unhein Tark-e-Mohabbat Karke

Dil Ne Chhodaa Hai Na Chhode Tere Milne Ka Khayal
Baaraha Dekh Liya Humne Malamat Karke

Ruh Ne Payi Hai Takleef-e-Judai Se Nijaat
Aapki Yaad Ko Saramaya-e-Rahat Karke

Chhed Se Ab Wo Ye Kehte Hain Ki Sambhlo Hasarat
Sabr-o-Taab-e-Dil-Beemaar Ko Garat Karke!


Nigahein Naaz Ne Parde Uthaye Hain Kya-Kya
Hijaab Ahle Mohabbat Ko Aaye Hain Kya-Kya

Jahaan Mein Thi Bas Ek Afwah Tere Jalwon Kee
Charag-e-Dair-o-Haram Jhilmilaein Hai Kya-Kya

Kahin Charag, Kahin Gul, Kahin Dil Barbaad
Kheramein Naaz Ne Kitne Uthaye Hain Kya-Kya

Payamein Husn, Payamein Junoon, Payamein Fana
Teri Nigah Ne Phasane Sunaye Hain Kya-Kya

Firaq Raahe Wafa Mein Sabak Ravi Teri
Bade Badon Ke Kadam Dagmagaein Hain Kya-Kya!


Rooh Pyaasi Kahan Se Aati Hai
Ye Udasi Kahan Se Aati Hail

Dil Hai Shab Do Ka To Ai Umeed
Tu Nidasi Kahan Se Aati Hai

Shauk Mein Aish-e-Vatl Ke Hangaam
Naashiphasi Kahan Se Aati Hai

Ek Zindaan-e-Bedili Aur Shaam
Ye Sabasi Kahan Se Aati Hai

Tu Hai Pehalu Mein Phir Teri Khushbu
Hoke Baasi Kahan Se Aati Hai!


Koi Keh De

Koi Keh De Mere Dil Ki Baat Unse
Har Taraf Se Hui Dil Ki Maat Unse

Jaan-Pehchan Hi Kara De Gar Koi
Ek-Ek Lamhe Ki Ho Shuruaat Unse

Log Puchte Hain Muskuraht Ki Wajah
Hamne Kaha Hui Hai Mulakat Unse

Khoya Hua Raha Main Aaz Talak
Ab Mila Do Mere Jazbaat Unse

Karenge Chand Se Kuchh Baatein Hum Bhi
Milte Hue Dekha Hai Har Raat Unse!


Leave a Reply

Your email address will not be published. Required fields are marked *